Sason 2021

Debanament de las visitas 

Visitas comentadas sens reservacion e sens pagament en sus del 1^èr de mai al 30 de junh e del 1^èr al 30 de setembre cada dimenjada e los jorns caumats.
Als meses de julhet e agost cada jorn a 11h, 13h, 15h e 16h30 (dins la cort del castèl). 

Per las visitas comentadas al castèl, l’organizacion ne pòt èsser trebolada per cas de maissant temps : lo guida prepausa alavetz de presentar son comentari dins les locals del musèu e balha rendètz-vos als visitaires l’ora d’apuèi. Atal n’es tanben per un public vièlh que poiriá pas pujar al castèl : son prepausadas visitas comentadas sus reservacion al musèu (siètis) o al pè del castèl.

Ja que la comuna a son guida disponible tot l’an, las intervencions de guidas exteriors son pas permesas, levat pels publics estrangièrs. De costuma per aquel monde, l’acompanhaire assegura la revirada del comentari de nòstre guida. Pels publics escolars, lo guida adapta plan segur la presentacion a las classas.

Avisam los organizaires de visitas de grops que la visita tota del siti compren la del castèl e la del musèu e que cal doncas téner compte de las constrentas totas per avalorar dins son entièr lo temps de dedicar a la visita del siti de Montsegur.

La visita del musèu es lo complement de mancar pas per entendre melhor çò vist sul siti del castèl, e, per las visitas comentadas comprene çò presentat pel guida. Sembla que plan d’organizaires de visitas de grops que desconeisson lo musèu – lo mai visitat d’Arièja –  avaloren pas plan lo temps necite a aquela visita, e malcontenten sas practicas. 

Reservacion per las visitas comentadas

(Fòra dels periòds visitas guidadas fixas los dissabtes, dimenges, jorns caumats dels meses de mai, junh e setembre e cada jorn als meses de julhet e d’agost). Las visitas comentadas son pas asseguradas qu’a comptar de 20 personas amb dintradas pagantas. Se lo grop compta pas 20 personas, la visita guidada es pr’aquò possibla amb aplicacion de la tarifa minimum 20 personas, siá 130 €. Per las reservacions de visitas comentadas al castèl o al musèu contactar Fabrice CHAMBON, guida-conferencièr del siti Telefòn 05 61 01 06 94 Telecòpia 05 61 03 11 27 Corric guide.montsegur@orange.fr Las prereservacions son possiblas, cal per aquò balhar una data limit de validitat que, un còp passada, la reservacion es pas mai enregistrada se cap de confirmacion es pas estada faita.

A gràtis

Per las visitas liuras coma per las visitas comentadas, e per un grop de 20 dintradas pagantas son balhadas una dintrada a gràtis per l’acompanhaire e una autra pel menaire d’autobús. Per mai de 20, una dintrada a gràtis cada 20 dintradas pagantas suplementàrias. Pels grops escolars, las dintradas dels acompanhaires suplementaris que corresponden pas a las ofèrtas a gràtis son comptadas a la tarifa grop adulte (prètz visita liura o comentada segon lo cas).

Pagament de las prestacions 

Lo pagament se pot far : 

• siá sus plaça, al moment que son balhats los tiquets. Pagament en moneda, per chèc d’una banca de França, carta bancària. Una nòta pòt èsser establida sus demanda. 
• siá en seguida de la venguda del grop, a recepcion de la factura que vos serà mandada. Dins un tal cas, per avança e al moment de la confirmacion de reservacion, avisar lo secretariat per telecòpia (05 61 03 11 27) al mandament de la comanda : l’emplegat del guichet serà assabentat de la venguda del grop e farà signar al responsable del grop un engatjament de pagament portant lo nombre de dintradas pagantas. Qualques tempses puèi lo recebeire comunal vos mandarà un « avís de las somas de pagar » qu’aurà valor de crida a pagament.

Entresenhas pels grops escolars

Un airal de pica-mica se tròba a la sortida sud del vilatge (cap a Bèl Estar), al P.A.J., amb comuns e aiga. Per cas de maissant temps una sala comunala vos pòt èsser logada al vilatge, amb taulas e bancs.